کراچی: گورنر استیٹ بینک جمیل احمد کا کہنا ہے کہ پاکستان کے سونے کے ذخائر ہمارے زرمبادلہ کے ذخائر کا حصہ نہیں ہیں۔
اے آر وائی نیوز کے مطابق گورنر اسٹیٹ بینک جمیل احمد کا کہنا ہے کہ پاکستان اپنے سونے کے ذخائر فروخت نہیں کررہا ہم روپے کی قدر میں سٹے بازی پر بینکوں کے خلاف کارروائی کا جائزہ لے رہے ہیں۔
انہوں نے کہا کہ اس پر حکومت اضافی ٹیکس لگائے گی یا اسٹیٹ بینک جرمانہ عائد کرے گا۔
گورنر اسٹیٹ بینک کا کہنا ہے کہ بینکوں نے 100 ارب روپے زرمبادلہ لین دین میں کمائے ہیں زرمبادلہ کے غیرقانونی لین دین میں ملوث بینکوں کے خلاف رپورٹ تیار کرلی گئی ہے جلد کارروائی عمل میں لائی جائے گی۔
دوسری جانب اسٹیٹ بینک آف پاکستان نے ایکسچینج کمپنیوں کی آؤٹ لیٹس کے اجازت نامے معطل کر دیے۔
اسٹیٹ بینک کا کہنا ہے کہ اجازت نامے 7 سے 15 دن کیلئے معطل کیےگئے ہیں اجازت نامے کی منسوخی فوری طور پر نافذالعمل ہے ایکسچینج کمپنیوں کےآؤٹ لیٹس سے خفیہ شاپنگ کی گئی۔
معطلی کے دوران کسی بھی قسم کی کاروباری سرگرمیاں انجام دینے پر پابندی عائد کی گئی۔ آؤٹ لیٹس کاؤنٹر پر دستیابی کے باوجود غیرملکی کرنسی فروخت سے انکار کیا جا رہا تھا۔
