The news is by your side.

Advertisement

اہم قانون سازی ، حکومت کا پارلیمنٹ کا مشترکہ اجلاس جلد بلانے کا فیصلہ

اسلام آباد : حکومت نے اہم قانون سازی کیلئے پارلیمنٹ کا مشترکہ اجلاس جلد بلانے کا فیصلہ کرلیا ، اجلاس عید سے پہلے ہونے کا امکان ہے۔

تفصیلات کے مطابق حکومت نے پارلیمنٹ کا مشترکہ اجلاس جلد بلانے کا فیصلہ کرلیا، اہم قانون سازی کیلئے مشترکہ اجلاس عید سے پہلے ہونے کا امکان ہے۔

ذرائع کا کہنا ہے کہ 7بل قومی اسمبلی سے منظور ہوئے مگر سینیٹ سے منظورنہیں ہوسکے، تمام بل پارلیمنٹ کے مشترکہ اجلاس میں پیش کیے جائیں گے۔

پارلیمانی ذرائع کے مطابق پاکستان میڈیکل کمیشن ،پاکستان میڈیکل ٹربیونل کابل پیش ہو گا، اسلام آباد ہائیکورٹ کےججز میں اضافےکا بل پاس کرایا جائے گا اور ایف اےٹی ایف قوانین کے بل پاس کرائے جائیں گے۔

پارلیمنٹ میں قانون سازی پر مشیرپارلیمانی امورڈاکٹر بابر اعوان نے گفتگو کرتے ہوئے کہا گڈ گورنس کیلئےگڈ لامیکنگ ضروری ہے، عوامی مفاد کے قوانین بنانا حکومت اور اپوزیشن کی ذمہ داری ہے۔

بابر اعوان کا کہنا تھا کہ بروقت قانون سازی نہ ہونےپرلوگ تکلیف،پارلیمنٹ تنقید کی زدمیں آ تی ہے، وزیر اعظم سےجوڈیشل اور لاء ریفارمز پر تفصیلی گفتگو ہوئی ہے، جلد دونوں ہاؤسز میں اس عمل کا آغاز کریں۔

Comments

یہ بھی پڑھیں