اسلام آباد: وزیراعظم شہباز شریف نے سپریم کورٹ کے سینئر جسٹس قاضی فائز عیسیٰ کےخلاف کیوریٹیو ریویو ریفرنس واپس لینے کا حکم دے دیا۔
حکومت نے جسٹس قاضی فائز عیسیٰ کے خلاف کمزور، بے بنیاد وجوہات پر کیوریٹیو ریویو ریفرنس کی پیروی نہ کرنے کا فیصلہ کیا ہے۔
وزیر اعظم نے وزیر قانون کو جسٹس قاضی فائزعیسیٰ کیخلاف کیوریٹیو ریویو ریفرنس واپس لینےکی ہدایت کی ہے۔
وزیر اعظم شہباز شریف نے کہا کہ ریفرنس کے نام پر جسٹس قاضی فائز اور انکے اہلخانہ کو ہراساں اوربدنام کیاگیا، یہ ریفرنس نہیں آئین کی راہ پر چلنے والے جج کیخلاف عمران نیازی کی انتقامی کارروائی، عدلیہ کی آزادی پر شب خون اور اسے تقسیم کرنے کی مذموم سازش تھی تھی۔
جسٹس فائز عیسیٰ نے رضاکارانہ طور پر اپنے اور اہل خانہ کے اثاثے ظاہر کر دیے
وزیر اعظم شہباز شریف نے کہا کہ پاکستان بار کونسل سمیت وکلا تنظیموں نے بھی اس ریفرنس کی مخالفت کی تھی، انکی رائے کی قدر کرتے ہیں۔
وزیراعظم نے کہا کہ ن لیگ، اتحادی جماعتوں نے اپوزیشن دور میں بھی جھوٹے ریفرنس کی مذمت کی تھی، عمران نیازی نے صدر کے آئینی منصب کا اس مجرمانہ فعل کیلئے ناجائز استعمال کیا۔
وزیر اعظم شہباز شریف نے مزید کہا کہ صدرعارف علوی عدلیہ پر حملے کے جرم میں آلہ کار اور جھوٹ کے حصہ دار بنے ہوئے ہیں۔
