اسلام آباد : جمعیت علمائے اسلام ف کی رہنما و رکنِ کمیٹی عالیہ کامران نے مطالبہ کیا ہے کہ سرکاری ملازمین کے جی پی فنڈ کو اسلامی فنڈ میں تبدیل کیا جائے۔
تفصیلات کے مطابق قومی اسمبلی اجلاس میں وقفہ سوالات کے دوران جمعیت علمائے اسلام ف کی رہنما و رکنِ کمیٹی عالیہ کامران نے مطالبہ کیا کہ سرکاری ملازمین کےجی پی فنڈکواسلامی فنڈ میں تبدیل کیا جائے۔
جس پر وزیرمملکت خزانہ عائشہ پاشا نے بتایا کہ اس حوالے سے عدالتی فیصلےہیں،5سال میں سب سودسےپاک کرنا ہے، اس حوالے سے پورا ٹرانسفرمیشن پلان بنایا جارہا ہے۔
عبدالاکبر چترالی نے کہا کہ شرح سود بہت بڑھادیا گیا ہے تو عائشہ غوث پاشا کا کہنا تھا کہ پورا فنانشل سسٹم بدلنا ہے، اسٹیٹ بینک کا اس وقت پالیسی ریٹ مانیٹری پالیسی کمیٹی بناتی ہے۔
وزیرمملکت نے مزید کہا کہ پالیسی ریٹ میں حکومت کا براہ راست کردار نہیں ہوتا، حکومت اسلامی بینکنگ کی طرف بڑھ رہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں