The news is by your side.

Advertisement

مصر : دادی نے کیوں ڈانٹا ؟ دس سالہ بچے نے خود کو پھانسی لگالی

قاہرہ : دس سالہ بچے کو دوستوں سے سامنے دادی کا ڈانٹنا اتنا برا لگا کہ اس نے اپنی زندگی کا خاتمہ کرلیا، گھر والے پورے علاقے میں بچے کو تلاش کرتے رہے اور اس کی لاش گھر کے ایک کمرے میں لٹکی ہوئی ملی۔

تفصیلات کے مطابق مصر کی کمشنری الدقھلیہ کے ایک گاؤں میں ایک دس سالہ بچے نے گلے میں پھندا لگا کر خودکشی کرلی، اس سے قبل جب گھر والوں نے اسے گھر میں نہ پایا تو اس کے بارے میں سب کو تشویش لاحق ہوئی جس پر اسے پورے گاؤں میں تلاش کیا گیا مگر وہ نہ ملا۔

مصری ذرائع ابلاغ کے مطابق بچے کے ایل خانہ کو یہ خیال ہی نہیں آیا کہ اسے گھر کے کمروں میں بھی دیکھا جائے وہ یہی سمجتھے رہے کہ بچہ دوستوں کے ساتھ کھیل میں مگن ہو کر کہیں دور نکل گیا ہے۔

بعد ازاں ہر طرف سے تلاش میں ناکامی کے بعد تھک ہار والدین اور عزیز اقارب واہس گھر پہنچے تو گھر کے ایک بند خالی کمرے میں اس کی لاش رسی سے لٹکی ہوئی ملی جسے دیکھ کر ان کے اوسان خطا ہوگئے۔

نعش کو دیکھتے ہی گھر میں کہرام مچ گیا، اہل خانہ نے فوری طور پر پولیس کو آگاہ کیا جس نے آتے ہی نعش کو اپنی تحویل میں لے کر پوسٹ مارٹم کے لیے اسپتال بھیج دیا۔

پولیس کو ابتدائی طور پر تحقیقات میں پتہ چلا کہ بچہ کافی دیر سے غائب تھا، اہل خانہ سے فرداً فرداً تفتیش کی گئی تو معلوم ہوا کہ بچہ اپنے دوستوں کے ساتھ گھر سے باہر کھیل رہا تھا جس پر دادی نے اسے دوستوں کے سامنے ڈانٹا اوربرابھلا کہا تھا، دادی کی ڈانٹ کے بعد سے بچے کو کسی نے نہیں دیکھا تھا۔

بچے کے دوستوں سے بھی جب تحقیق کی گئی تو معلوم ہوا کہ دادی کی ڈانٹ سن کر بچہ گھر میں ہی چلا گیا تھا جس سے پولیس نے یہ نتیجہ نکالا کہ بچہ دادی کی ڈانٹ برداشت نہ کر سکا اور خاموشی سے گھر کے ایک کمرے میں جو استعمال میں نہیں تھا وہاں  جاکر پھندا لگا کر خودکشی کرلی۔

fb-share-icon0
Tweet 20

Comments

comments

یہ بھی پڑھیں