ایتھینز: یونان کی پارلیمنٹ نے تاریخ میں پہلی بار ایک خاتون کترینہ ساکیلاروپولو کو ملک کا صدر منتخب کرلیا۔
بین الاقوامی میڈیا رپورٹ کے مطابق حکومتی جماعت نیو ڈیموکریٹک پارٹی نے صدارتی انتخابات کے لیے لائی کورٹ کی جج اور انسانی حقوق کی وکیل کترینہ کو امیدوار منتخب کیا۔
جمعرات کے روز اراکین نے اپنے ووٹوں کے ذریعے ملک کی تاریخ میں پہلی بار خاتون کو صدر منتخب کیا۔
رپورٹ کے مطابق کترینہ کو پندرہ ماہ کے لیے صدر منتخب کیا گیا۔ انہیں300 میں سے 261 اراکین اسمبلی نے ووٹ دیا جس کے بعد وہ واضح اکثریت سے کامیاب قرار پائیں۔
حکومتی جماعت نے خاتون کو صدر منتخب ہونے پر مبارک باد پیش کرتے ہوئے اسے ملکی تاریخ کا اہم ترین دن قرار دیا اور کہا کہ ہمارے اقدامات سے خواتین مزید مضبوط ہوں گی۔
یونانی وزیر اعظم کا کہنا تھا کہ خاتون کی جیت روشن مستقبل کی جانب اہم قدم ہے، ہمارا ملک ایک نئے سفر کا آغاز کرنے جارہا ہے۔
