ایتھنز: یونان میں فٹ بال میچ سے قبل تماشائیوں میں خوف ناک تصادم ہوا، ایک دوسرے پر چاقوؤں اور لاٹھیوں سے حملوں میں 29 سالہ نوجوان ہلاک اور 8 زخمی ہو گئے۔
غیر ملکی میڈیا رپورٹس کے مطابق یونان کے دارالحکومت ایتھنز میں دو فٹبال ٹیموں ’اے ای کے ایتھنز‘ اور ’کروشین کلب ڈینامو زغرب‘ کے حامیوں کے درمیان تصادم کے دوران ایک یونانی فٹ بال پرستار کو چاقو مار کر ہلاک کر دیا گیا۔
پولیس نے کہا کہ پرتشدد جھڑپوں کے بعد 98 افراد کو گرفتار کر لیا گیا ہے، پولیس حکام کے مطابق تصادم میں 3 یونانی اور 5 کروشین شائقین زخمی ہوئے۔
Μιχάλη, η ΑΕΚ δε θα σε ξεχάσει ποτέ! Παραδειγματική τιμωρία για τους δολοφόνους και τους υπεύθυνους! pic.twitter.com/h0ug4XosVx
— AEK F.C. (@AEK_FC_OFFICIAL) August 8, 2023
لڑائی کی وجہ سے یورپی فٹبال کی گورننگ باڈی نے چیمپئنز لیگ کے تیسرے کوالیفائنگ راؤنڈ میں پہلے مرحلے کا میچ ملتوی کر دیا، جو منگل کو یونان کے دارالحکومت میں کھیلا جانا تھا۔ یہ میچ اب 18 یا 19 اگست کو کھیلا جائے گا۔
07.08.2023, AEK Athens🇬🇷 vs BBB (Dinamo Zagreb🇭🇷), AEK run https://t.co/Fjy3xrlEmQ pic.twitter.com/GFU1DwWCj7
— Hooligans.cz Official (@hooliganscz1999) August 7, 2023
08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP
— Hooligans.cz Official (@hooliganscz1999) August 7, 2023
یونان کی فٹ بال ٹیم نے ایک بیان میں پرستار کا قتل باقاعدہ پیشہ ور قاتلوں کی کارروائی قرار دیا، اور کہا کہ قاتل زغرب سے نیو فلادیلفیا پہنچے تھے جنھوں نے یونانی جرائم پیشہ افراد کے ساتھ مل کر کارروائی کی۔ فٹبال ٹیم نے مطالبہ کیا کہ اس کے فین میہالیس کے قاتلوں کو گرفتار کر کے عبرت ناک سزا دی جائے، اس سلسلے میں ٹیم کی جانب سے میہالیس کی تصویر کے ساتھ ایک ٹوئٹ بھی کیا گیا۔