ایتھنز : یونانی وزیرِ ٹرانسپورٹ نے ٹرین حادثے کی ذمہ داری قبول کرتے ہوئے عہدے سے مستعفی ہو گئے جبکہ وزیر اعظم تین روزہ سوگ کا اعلان کردیا۔
تفصیلات کے مطابق یونان میں ٹرین حادثے کے مزید پانچ زخمی دم تور گئے ، جس کے بعد ہلاکتوں کی تعداد تینتالیس تک جا پہنچی۔
وزیرِ ٹرانسپورٹ حادثے کی ذمہ داری قبول کرتے ہوئے عہدے سے مستعفی ہو گئے۔
وزیرِ اعظم نے تین روزہ سوگ اور پرچم سِرنگوں رکھنے کا اعلان کردیا ہے۔
اینتھنز میں ہزاروں افراد نے ریلوے اسٹیشنز کے باہرٹرین آپریٹرز کے خلاف احتجاجی مظاہرہ کیا ، اس دوران پولیس اور مظاہرین کے درمیان جھڑپیں بھی ہوئیں۔
پولیس نے مظاہرین کو منتشر کرنے کے لیے آنسو گیس کی شیلنگ کی۔
گزشتہ روز یونان میں ٹرین اور مال گاڑی کے درمیان خوفناک تصادم کے نتیجے میں چھبیس افراد ہلاک اور پچاسی زخمی ہوگئے تھے جبکہ مسافر ٹرین میں تین سو پچاس افراد سوار تھے۔
