کراچی : گورنرسندھ عمران اسماعیل کا کہنا ہے کہ گرین لائن کی 40بسیں کراچی آرہی ہیں، اگست کے وسط میں جہاز چین کے تیانجن پورٹ سے روانہ ہوں گے۔
تفصیلات کے مطابق گورنرسندھ عمران اسماعیل نے سماجی رابطے کی ویب سائٹ ٹوئٹر پر اپنے پیغام میں کہا ہے کہ گرین لائن کی بسیں پورٹ پر آنا شروع ہوگئی ، دو جہاز میں 40بسیں کراچی آرہی ہیں، اگست کےوسط میں جہازچین کےتیانجن پورٹ سےروانہ ہوں گے ، امید ہے بسیں ایک ہفتے کے اندر ان لوڈ ہوکر انشااللہ جلد کراچی پہنچ جائیں گی۔
Green line Buses have started moving to the port today. We are back to two vessels carrying 40 buses each. Vessels dock Tianjin Port leaving mid August. Hopefully one week to unload load. Arriving Karachi soon Inshallah. pic.twitter.com/TXPt2nvwKB
— Imran Ismail (@ImranIsmailPTI) August 10, 2021
یاد رہے رواں سال اپریل میں گورنرسندھ عمران اسماعیل نے شہرقائد کے شہریوں کو خوش خبری سناتے ہوئے کہا تھا کہ گرین بس رواں سال چلا دیں گے، ٹینڈر ہوچکے ہیں۔
انہوں نے کہا تھا کہ گرین لائن بس سندھ کا پہلا ٹرانزٹ سسٹم ہوگا، کراچی کو نئی بسز اور ٹرانسپورٹ کی بے انتہاضرورت ہے۔
خیال رہے گذشتہ سال وفاقی حکومت میں گرین لائن میٹرو بس منصوبے کے لیے 80 بسوں کی خریداری کا انٹرنیشنل ٹینڈر جاری کیا تھا ، جس کے بعد ملک کے سب سے بڑے شہر کراچی میں میٹرو بس چلنے کی امید نظر آنے لگی تھی۔
