سکھر: گرین لائن ایکسپریس گھوٹکی میں حادثے کا شکار ہو گئی ہے، فل اسپیڈ سے چلتی ٹرین کا انجن ٹریک سے اچانک اتر گیا۔
تفصیلات کے مطابق کراچی سے راولپنڈی جانے والی گرین لائن ایکسپریس کا انجن گھوٹکی میں پٹری سے اتر گیا، حادثے کے باعث اپ ٹریک بلاک ہو گیا ہے، اور ریسکیو ٹیمیں طلب کر لی گئی ہیں۔
ریلوے حکام کا کہنا ہے کہ روہڑی سے ریلیف ٹرین روانہ کر دی گئی ہے، جلد ریلوے ٹریک کو بحال کر دیا جائے گا۔ ابتدائی طور پر حادثے کی وجہ معلوم نہیں ہو سکی ہے۔
ریلوے حکام کے مطابق انجن کے پٹری سےاترنے سے کوئی جانی نقصان نہیں ہوا، اپ ٹریک متاثر ہونے سے ٹرینوں کی آمد و رفت میں مشکلات پیش آ رہی ہیں، خیبر میل کو پنو عاقل اسٹیشن پر روکا گیا ہے، ٹریک کی بحالی کے لیے مزید وقت لگ سکتا ہے۔
Comments
- Advertisement -
