The news is by your side.

Advertisement

شادی کے تیسرے روز دولہا ہلاک، گھر میں صف ماتم بچھ گئی

حیدرآباد : بھارت کا ایک مسلمان نوجوان اپنے ولیمے سے دو روز قبل ہونے والے اندوہناک حادثے میں جاں بحق ہوگیا، بچے کو بچانے کوشش میں جان سے ہاتھ دھو بیٹھا۔

یہ افسوسناک واقعہ گزشتہ روز دولت آباد کے علاقہ اللہ پور میں پیش آیا، حادثے سے دو روز قبل جمعرات کے روز 23سالہ یاسین کی شادی ہوئی تھی۔

شادی کے بعد لڑکے کے گھر والوں نے پکنک کا پروگرام بنایا اور ہفتہ کی دوپہر یہ خاندان علاقے کے بڑے تالاب  میں تفریح کے لئے گئے تھے۔

اسی دوران دولہا یاسین کا بھتیجا سمیر کھیلتے ہوئے اتفاقی طور پر تالاب میں گرگیا اس کو بچانے کی کوشش میں یاسین بھی تالاب میں کود گیا۔

یاسین نے پوری کوشش کرکے بچے کو تو کنارے تک پہنچا دیا لیکن خود کیچڑ میں پھنس گیا، بعد ازاں مقامی افراد نے دونوں کو تالاب سے نکال لیا اس دوران یاسین کی اسپتال پہنچنے سے قبل موت واقع ہوگئی۔

بھارتی میڈیا کے مطابق متوفی یاسین کی دو دن قبل ہی حیدرآباد کے فلک نما کی رہنے والی ایک لڑکی کے ساتھ شادی ہوئی تھی اور آئندہ اتوار کو ان کی تقریب ولیمہ کا انعقاد ہونا تھا۔

Comments

یہ بھی پڑھیں