The news is by your side.

Advertisement

بارات کے وقت دلہا کی کورونا رپورٹ نے ہلچل مچا دی

کورونا وائرس نے دلہے سے شادی کی خوشیاں چھین لیں، آخری وقت میں کورونا ٹیسٹ مثبت آنے ‏پر دلہے کو بارات چھوڑ کر قرنطینہ سینٹر جانا پڑ گیا۔

بھارتی میڈیا کے مطابق واقعہ ریاست اترپردیش کے ضلع ہمیرپور میں پیش آیا جہاں سہرا سجائے ‏دلہا بارات لے کر دلہنیا لے جانے کے لیے نکل ہی آ رہا تھا کہ اتنے میں کورونا ٹیسٹ کی رپورٹ آ ‏گئی۔

دھرمندا نامی شخص نے شادی سے دو روز قبل 22 مئی کو ٹیسٹ کروایا تھا اور عین 24 مئی کو ‏بارات والے دن رپورٹ موصول ہوئی جس میں کورونا مثبت آیا۔

شادی کی خوشیاں ماند پڑ گئیں اور بارات منسوخ کر دی گئی۔ پولیس اور دیگر طبی عملے کورونا ‏متاثرہ شخص کو قرنطینہ منتقل کرنے پہنچ گیا۔ ‏

کمیونٹی ہیلتھ سینٹر کے انچارج ڈاکٹر انیل سچن نے بتایا کہ دلہے کو مرکزی قرنطینہ سینٹر میں ‏منتقل کیا گیا ہے جب کہ اہل خانہ اور شادی میں شریک رشتے داروں کے سیمپل لے کر ٹیسٹ کیے ‏جارہے ہیں، جب تک ان کی رپورٹس نہیں آتیں 10 روز کے لیے ہاؤس آئیسولیشن کی ہدایت کی گئی ‏ہے۔

Comments

یہ بھی پڑھیں