لاہور: وزیراعلیٰ پنجاب کی معاون خصوصی فردوس عاشق اعوان کا کہنا ہے کہ اپوزیشن کی نیندیں حرام ہوچکی ہیں، وزیراعظم کی قیادت میں بڑھتا پاکستان اپوزیشن کی کرپٹ بنیادیں ہلا چکا ہے۔
تفصیلات کے مطابق فردوس عاشق اعوان نے سماجی رابطے کی ویب سائٹ ٹوئٹر پر ٹوئٹ کیا کہ وزیراعظم کی قیادت میں عوامی انقلابی اقدامات جاری ہیں، اپوزیشن کی نیندیں حرام ہوچکی ہیں، پی ڈی ایم وہ بدقسمت اپوزیشن ہے جو ترقی کی راہ میں رکاوٹ بن رہی ہے۔
ان کا کہنا تھا کہ وزیراعظم عمران خان کی قیادت میں بڑھتا پاکستان اپوزیشن کی کرپٹ بنیادیں ہلا چکاہے۔
معاون خصوصی نے ٹوئٹ میں لکھا کہ اپوزیشن کی بوکھلاہٹ پاگل پن کی شکل اختیار کر رہی ہے، ترقی کا روڈ میپ اپوزیشن کےلیےالٹی گنتی ثابت ہوگا۔
فردوس عاشق اعوان نے مزید کہا کہ عوامی مسائل کے حل میں رکاوٹ ڈالنے والوں کو عوام معاف نہیں کریں گے۔
وزیراعظم عمران خان کی قیادت میں بڑھتا سنورتا پاکستان اپوزیشن کی کرپٹ بنیادوں کو ہلا چکا۔ اپوزیشن کی بوکھلاہٹ پاگل پن کی شکل اختیار کر رہی ہے۔ ترقی کا روڈ میپ اپوزیشن کیلئے کاؤنٹ ڈاؤن ثابت ہوگا۔ پائیدار ترقی اور عوامی مسائل کے حل میں رکاوٹ ڈالنے والوں کو عوام کبھی معاف نہ کرینگے۔
— Dr. Firdous Ashiq Awan (@Dr_FirdousPTI) July 6, 2021
