site
stats
عالمی خبریں

گوانتاناموبےجیل سےرہاکیےگئے4قیدی سعودی عرب پہنچ گئے

واشنگٹن : امریکہ کی جانب سےگوانتاناموبے جیل سے رہا کیے جانے والے چار قیدی سعودی عرب پہنچ گئے ہیں۔

تفصیلات کے مطابق واشنگٹن میں امریکی محکمہ دفاع کے اعلامیے کے مطابق رہا ہونے والے قیدیوں میں سلیم احمد ہادی، محمد رجب صدیق، عبداللہ یحییٰ،محمد علی عبداللہ شامل ہیں۔

امریکی محکمہ دفاع کے مطابق چاروں قیدیوں کی رہائی ٹاسک فورس کی سفارشات پر عمل میں آئیں اور انہیں سعودی عرب کےحوالے کیاگیاہے۔

امریکی محکمہ دفاع کے مطابق گوانتاناموبے جیل میں اب مجموعی قیدیوں کی تعداد کم ہوکر55 رہ گئی ہے۔

گوانتاناموبے جیل سے قیدیوں کی رہائی سے واضح ہوتاہے کہ امریکی صدر باراک اوباما اقتدار چھوڑنے سے قبل حراستی مرکز میں موجود قیدیوں کی تعداد کو کم کرنا چاہتے ہیں۔

رواں ماہ20 جنوری کو صدر اوباما کی جانب سے ڈونلڈ ٹرمپ کو اقتدار سونپنے سے قبل مزید15 قیدیوں کو بھی رہا کیے جانے کا امکان ہے۔

یاد رہےکہ آٹھ سال قبل جب صدر اوباما نے اقتدار سنبھالا تھا تو انھوں نے گوانتانامو بے کے متنازع حراستی مرکز کو مکمل طور پر بند کرنے کی درخواست کی تھی۔

امریکی کانگرس نےصدر اوباما کے اس منصوبے کو روکا دیا،لیکن مسلسل منتقلی کا عمل جاری رہا اور اگر یہ 15 قیدی بھی رہا کر دیے جاتے ہیں تو حراستی مرکز میں تقریباً 40 قیدی ہی رہ جائیں گے۔

دوسری جانب امریکہ کے نو منتخب صدر ڈونلڈ ٹرمپ نے منگل کے روزسماجی رابطے کی ویب سائٹ پراپنے پیغام میں مزید قیدیوں کی رہائی کو روکنے کا کہا تھا۔

واضح رہے کہ ڈونلڈ ٹرمپ نے اپنی صدراتی مہم کے دوران کہا تھا کہ ’اس حراستی مرکز کو بند نہ کیا جائے اور اسے برے افراد سے بھر دیا جائے۔‘

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top