The news is by your side.

گڈو بیراج پر اونچے درجے کا سیلاب، کئی دیہات زیر آب، فصلیں تباہ

کشمور : دریائے سندھ میں گڈو بیراج کے مقام پر پانی کی سطح مسلسل بلند ہورہی ہے اور اونچے درجے کے سیلاب کی صورتحال درپیش ہے۔

تفصیلات کے مطابق بلوچستان میں میں تباہی پھیلانے کے بعد سیلاب نے سندھ کے کچے کے علاقوں کو بھی اپنی لیپٹ میں لے لیا ہے۔ دریائے سندھ میں آنے والے سیلاب سے سب سے زیادہ کندھ کوٹ اور کشمور کے کچے کے علاقے متاثر ہوئے ہیں۔

اس حوالے سے کشمور کنٹرول روم ذرائع کا کہنا ہے کہ 24گھنٹے کےدوران گڈو بیراج میں 29 ہزار کیوسک پانی کی سطح میں کمی واقع ہوئی ہے۔

ذرائع کے مطابق گڈو بیراج میں 5 لاکھ 17 ہزار 392 کیوسک کاریلا گزر رہا ہے، گڈو بیراج سے پانی کا اخراج پانچ لاکھ 17 ہزار 392 کیوسک ہے۔

گزشتہ 24گھنٹے میں گڈو بیراج پر پانی کی سطح میں کمی ہونے کا امکان ہے تاہم کچے کے15 سے زائد گاؤں سیلاب کی زد میں آگئے ہیں جس کے نتیجے میں تیار کھڑی فصلیں زیرآب آگئیں۔

اس کے علاوہ کندھ کوٹ میں کچے کے علاقوں میں پھنسے لوگ اپنی مدد آپ کے تحت محفوظ مقامات پر نقل مکانی کررہے ہیں، ضلع انتظامیہ کے جانب سے تاحال امدادی کارروائیاں شروع نہ ہوسکیں۔

Comments

یہ بھی پڑھیں