پیر, مئی 20, 2024
اشتہار

اڈھیرعمر شخص نے 14 سالہ بچی کو مبینہ زیادتی کا نشانہ بناڈالا

اشتہار

حیرت انگیز

صوبہ پنجاب کے ضلع گوجرانوالہ میں اندوہناک واقعہ رونما ہوا ہے جہاں شوہر کے دوست نے 14 سالہ لڑکی کو مبینہ طور پر زیادتی کا نشانہ بناڈالا ہے۔

تفصیلات کے مطابق افسوسناک واقعہ گوجرانوالہ میں اروپ کے علاقے محلہ اسلام آباد میں پیش آیا، پولیس نے 14 سالہ پلوشہ کو بازیاب کراتے ہوئے خالہ کی مدعیت میں ملزمان پر مقدمہ درج کرلیا ہے۔

ایف آئی آر میں موقف اپنایا گیا کہ متاثرہ لڑکی کی چار ماہ قبل شیر خان نامی شخص سے شادی ہوئی تھی، لڑکی خیبر پختونخواہ کی رہائشی ہے جسے اس کا شوہر شادی کے بعد گوجرانوالہ لے آیا تھا۔

- Advertisement -

ایف آئی آر کے متن کے مطابق شیرخان اور اورنگزیب دونوں دوست تھے، اورنگزیب پلوشہ پر برُی نظر رکھتا تھا اور اس نے شیرخان کو دھونس و دھمکی دیگر بھگادیا۔

ایف آئی آر کے متن میں بتایا گیا کہ پلوشہ کے شوہر کو بھگانے کے بعد اورنگزیب خان چند روز سے لڑکی کو مبینہ زیادتی کا نشانہ بناریا تھا، متاثرہ بچی کی خالہ کی مدعیت میں مقدمہ درج کرتے ہوئے ملزم کو گرفتار کرلیا گیا ہے جبکہ مبینہ زیادتی کا شکار لڑکی کو میڈیکل کے لئے اسپتال منتقل کردیا گیا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں