The news is by your side.

Advertisement

گوجرانوالہ: خاوند نے فائرنگ کرکے بیوی اور سسر کو قتل کردیا

گوجرانوالہ:گھریلو تنازعہ پر خاوند نے فائرنگ کر کے بیوی اور سسر کو قتل کردیا،ملزم موقع سے فرار نعشوں کو پوسٹ مارٹم کے لیے سول اسپتال منتقل کردیا گیا.

تفصیلات کےمطابق تھانہ سبزی منڈی کے علاقے سرفراز کالونی میں گھریلو تنازعہ پر خاوند نے فائرنگ کرکے اپنی بیوی ستائیس سالہ مسرت اور اپنے سسر عنایت اللہ کو فائرنگ کرکے قتل کردیا اور خود موقع سے فرار ہوگیا.

واقعہ کی اطلاع پر تھانہ سبزی منڈی پولیس موقع پر پہنچ گئی اور دونوں نعشوں کو اپنی تحویل میں لے کر پوسٹ مارٹم کے لیے سول ہسپتال منتقل کردیا ہے.

پولیس کے مطابق قیصر اور اسکی بیوی کا آپس میں تنازعہ چل رہا تھا اور مسرت قیصر کا گھر چھوڑ کر اپنے باپ کے گھر آگئی تھی،جس کی رنجش پر قیصر اپنے سسرال آیا اور فائرنگ کر کے اپنی بیوی اور اپنے سسر کو قتل کردیا.

پولیس کے مطابق ملزم کی گرفتاری کے لیے چھاپے مارے جا رہے ہیں اور جلد ہی اس کو گرفتار کرلیا جائے گا.

Comments

comments

یہ بھی پڑھیں