گوجرانوالہ میں مظلوم فلسطینیوں سے اظہار یکجہتی اور امداد کے لیے گوجرانوالہ کے ریسٹورنٹ میں فلسطین بوفے کا آغاز کیا گیا ہے۔
اے آر وائی نیوز کے مطابق گوجرانوالہ کے ریسٹورنٹ نے فلسطینیوں کی امداد کے لیے بوفے کا آغاز کردیا جس کی دس فیصد آمدنی فلسطینیوں کو بھیجی جائے گی۔
بوفے میں فلسطین کی مشہور ڈشز شاورما، مٹن زینا، مسخن، مقلوبہ، متبل اور آلو کے کیوبز سمیت دیگر کھانے شامل ہیں۔
- Advertisement -
شہری بھی فلسطینی کھانوں سے خوب لطف اندوز ہور ہے ہیں۔ شہریوں کا کہنا ہے کہ یہاں کھانے کا مقصد اپنے فلسطینی بھائیوں کی مدد کرنا بھی ہے۔
قابل ذکر بات یہ ہے کہ بوفے کی آمدن کی دس فیصد رقم فلسطینی بہن بھائیوں کی امداد کے لیے بھجوائی جانی ہے۔
شہریوں کا کہنا ہے کہ فلسطینی بوفے ایک اچھی کاز ہے تاکہ لوگ اپنے فلسطینی بھائیوں کی امداد کے لیے اپنا کردار ادا کر سکیں۔