بیوی کا قتل: گلف نیوز کے سابق ایڈیٹر کی سزا میں 5 برس اضافہ Gulf-news-editor
The news is by your side.

Advertisement

بیوی کا قتل: گلف نیوز کے سابق ایڈیٹر کی سزا میں 5 برس اضافہ

دبئی: بیوی کو قتل کرنے سے متعلق کیس کی سماعت کرتے ہوئے متحدہ عرب امارات کی عدالت نے گلف نیوز کے سابق برطانوی ایڈیٹر کو 15 برس قید کی سزا سنا دی۔

تفصیلات کے مطابق سابق گلف نیوز ایڈیٹر ’فرانسی میتھیو‘ نے اپنی بیوی 63 سالہ’جین میتھو‘ کو سنہ 2017 میں قتل کیا تھا، دونوں کے درمیان ہمیشہ سے تنازعات رہتے تھے، تاہم عدالت نے فرانسی میتھیو کو اتوار کے روز کیس کی سماعت کرتے ہوئے قتل کے جرم میں پندرہ برس قید کی سزا سنائی ہے۔

دبئی عدالت کے جج عیسیٰ محمد الشریف کی سربراہی میں قتل سے متعلق فیصلے کی سماعت 6 ماہ بعد دوبارہ ہوئی، کمرہ عدالت میں ملزم کے وکیل علی الشمسی بھی موجود رہے تاہم وکیل نے جج کے فیصلے کو نا مانتے ہوئے فیصلے کے خلاف اپیل اور قانونی چارہ جوئی کا فیصلہ کیا ہے۔

عرب خبر رساں ادارے کا کہنا تھا کہ عدالت کے فہد الشمسی نے رواں برس مارچ میں برطانوی شخص (سابق ایڈیٹر گلف نیوز) کو جرم ثابت ہونے پر دس سال کی سزا سنائی تھی جس کے بعد وکیل صفائی نے عدالتی فیصلے کے خلاف اپیل کی تھی تاہم 7 اکتوبر کو اپیل پر سماعت کرتے ہوئے 62 سالہ مجرم کو دوبارہ سزا سنا دی۔


مزید پڑھیں : بیوی کا قتل: گلف نیوز کے سابق ایڈیٹر کو دس سال کی سزا


عدالتی دستاویزات کے مطابق مجرم نے اپنی 63 سالہ بیوی سے پیسوں کے معاملے پر جھگڑا ہونے بعد سر ہتھوڑے مار مار قتل کیا تھا اور پولیس کو بیان دیا تھا کہ گھر میں ڈاکو گھس گئے تھے انہوں نے قتل کیا ہے۔

Comments

comments

یہ بھی پڑھیں