نئی دہلی: تابکار عنصر یورینیم کی فروخت کے بعد بھارتی انتہا پسند آن لائن خطرناک اسلحہ فروخت کرنے لگے۔
مودی کے دیس میں آئے روز ایسے واقعات رونما ہوتے ہیں جو کہ عالمی سطح پر بھی بھارت کی جگ ہنسائی کا سبب بنتے ہیں۔
ایسا ہی ایک خطرناک واقعہ وال اسٹریٹ جنرل نے رپورٹ کیا ہے، امریکی جریدے کے مطابق سماجی رابطے کی ویب سائیٹ فیس بک پر بھارتی انتہا پسندوں نے خطرناک اسلحے کی آن لائن فروخت شروع کردی ہے۔
اس تمام کہانی کا پس منظر یہ ہے کہ انتہا پسند ہندو تنظیموں بجرنگ دل اور آر ایس ایس کے ارکان کی ناک تلے یہ تمام کارروائیاں جاری ہیں جو کہ اس اسلحے کو مسلمانوں کے خلاف استعمال کرنے کی بھی دھمکیاں دے رہے ہیں۔
یہ بھی پڑھیں: بھارت: انتہا پسند ہندوؤں کا مسلم نوجوان پر بدترین تشدد، ویڈیو وائرل
واضح رہے کہ سال دو ہزار اکیس میں بھارتی پولیس نے سات افراد کو گرفتار کرکے ان کے قبضے سے 6.4 کلوگرام یورینیم برآمد کی تھی۔
یورینیم جوہری دھماکا خیز مواد اور طبی تکنیک سمیت متعدد چیزوں میں استعمال ہوتا ہے، چند لوگوں نے یورینیم کی چوری یا غیر قانونی طور پر کان کنی کی وجہ سے بھارت میں جوہری تحفظ کے بارے میں تشویش پائی جاتی ہے۔
