اسلام آباد : اقتصادی رابطہ کمیٹی کے اجلاس میں کرتارپورکوریڈورپرخصوصی ونگ کےقیام کیلئے30کروڑروپےفنڈکی منظوری دے دی گئی جبکہ ٹڈی دل کے خاتمے سے متعلق وزارت فوڈسیکیورٹی کو بریفنگ دینے کی ہدایت کردی۔
تفصیلات کے مطابق مشیرخزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا، جس میں کرتارپورکوریڈور پر خصوصی ونگ کے قیام کیلئے 30کروڑ روپے فنڈ کی منظوری دے دی گئی جبکہ ٹڈی دل کے حملوں پر قابو پانے کے لئے فنڈز جاری کرنے کی سمری پر غور کیا گیا۔
اجلاس میں وزارت فوڈ سیکیورٹی کو آئندہ اجلاس میں بریفنگ دینے کی ہدایت کرتے ہوئے کہا وزارت بتائےکتنےعلاقوں میں اسپرے کرکے ٹڈی دل کاخاتمہ کیا گیا، وزارت فوڈ سیکیورٹی نے بتایا ملک کے9 اضلاع پرٹڈی دل کاحملہ ہوا۔
ای سی سی اجلاس میں 45 کروڑ90 لاکھ کی ٹیکنیکل گرانٹ دینے اور انیکٹمنٹ آف پاکستان سنگل ونڈوبل2019 کی منظوری دی گئی ، جس سے کاروبارکیلئے 42 مختلف محکموں کی بجائےسنگل ونڈوآپریشن ہوسکے گا۔
ای سی سی میں قومی اقتصادی کونسل کی سالانہ رپورٹ کی منظوری، خیبرپختونخواکےآئل وگیس نیٹ ورک کی بحالی اور کے پی میں مختلف اضلاع کوگیس فراہمی اسکیموں کی بھی منظوری دی۔
