لاہور: قومی ٹیم کے آل راؤنڈر محمد حفیظ نے کیوی ٹیم کے ہاتھوں پہلے ٹیسٹ میچ شکست پر غلطیوں کی نشاندہی کردی۔
تفصیلات کے مطابق قومی ٹیم کے آل راؤنڈر محمد حفیظ نے نیوزی لینڈ کے خلاف ٹیسٹ سیریز میں نوجوان کھلاڑیوں کو شامل کرنے شدید ناراضگی کا اظہار کیا، واضح رہے کہ نیوزی لینڈ نے پاکستان کو پہلے ٹیسٹ میں 101 رنز سے شکست دی تھی۔
محمد حفیظ نے پہلے ٹیسٹ میں شکست کا ذمہ دار ناتجربہ کار کھلاڑیوں کو قرار دیتے ہوئے کہا کہ نوجوانوں کھلاڑیوں کو ڈومیسٹک سیزن میں تیار کرنے کی ضرورت ہے تاکہ وہ بین الاقوامی میچز اپنی صلاحیتوں کا لوہا منوا کر ٹیم کی جیت میں اہم کردار ادا کریں۔
International stage is for the Product to perform. Talent needs to be Groomed,Polished at domestic & academy level until they become a PRODUCT to represent at National level. If it make sense to someone #MasoomanaAdvice
— Mohammad Hafeez (@MHafeez22) December 30, 2020
حفیظ کے مشورے کے برعکس کرکٹ ماہرین کا خیال ہے کہ جن کھلاڑیوں نے ڈومیسٹک میں کم میچز کھیلے ہیں انہوں نے انٹرنیشنل کرکٹ میں عمدہ کارکردگی دکھائی۔
کرکٹ ماہرین کا کہنا ہے کہ شاہین شاہ آفریدی نے صرف 18 فرسٹ کلاس میچز کھیلے اور انہوں نے نیوزی لینڈ کے خلاف پہلی اننگز میں 4 وکٹیں حاصل کیں جبکہ 17 سالہ فاسٹ بولر نسیم شاہ نے دوسری اننگز میں تین کھلاڑیوں کو پویلین کی راہ دکھائی۔
دوسری جانب اوپنر شان مسعود نے 100 سے زائد فرسٹ کلاس میچز کھیلے ہیں وہ پہلے ٹیسٹ میں ناکام ثابت ہوئے اور دوسری اننگز میں صفر پر پویلین لوٹ گئے۔
واضح رہے کہ پاکستان اور نیوزی لینڈ کے درمیان دوسرا اور آخری ٹیسٹ 3 جنوری سے کرائسٹ چرچ میں کھیلا جائے گا، میزبان ٹیم کو قومی ٹیم کے خلاف 1-0 کی برتری حاصل ہے۔
