کوئٹہ: بلوچستان کے ضلع مستونگ میں سڑک کنارے دھماکے میں جے یو آئی رہنما و ترجمان پی ڈی ایم حافظ حمد اللہ سمیت 11 افراد زخمی ہو گئے۔
تفصیلات کے مطابق مستونگ ضلع میں جمعیت علمائے اسلام کے رہنما اور پی ڈی ایم کے ترجمان حافظ حمد اللہ سمیت گیارہ افراد زخمی ہو گئے ہیں، ایک زخمی کی حالت تشویش ناک ہے۔
دھماکا حافظ حمد اللہ کی گاڑی کے قریب ہوا، وہ کوئٹہ سے ایک پروگرام میں شرکت کے لیے منگوچر جا رہے تھے، اطلاع ملتے ہی ریسکیو اور پولیس موقع پر پہنچ گئی، اور پولیس نے علاقے کو گھیرے میں لے لیا۔
زخمیوں میں حافظ حمد اللہ کے ساتھی اور گن مین بھی شامل ہیں، جنھیں ابتدائی طور پر میر غوث بخش رئیسانی اسپتال منتقل کیا گیا، جب کہ حافظ حمداللہ کو طبی امداد کے لیے کوئٹہ منتقل کیا گیا ہے۔
ترجمان جے یو آئی کا کہنا ہے کہ حافظ حمد اللہ کی حالت خطرے سے باہر ہے۔
Comments
- Advertisement -
