امیر جماعت اسلامی کراچی حافظ نعیم الرحمان نے کہا کہ ری کاؤنٹنگ میں جماعت اسلامی کی 10 سے 15 سیٹیں چھین لی گئیں۔
اے آر وائی نیوز کے پروگرام باخبر سویرا میں گفتگو کرتے ہوئے کہا کہ بلاول سےسوال ہے 2009 سے 2015 تک پی پی، ایم کیو ایم ساتھ تھے، دونوں نے اس وقت بلدیاتی الیکشن نہیں کرائے تھے؟ اب جب بلدیاتی الیکشن ہوئے، تو کیوں یہ ہائیکورٹ، الیکشن کمیشن جاتے تھے۔
حافظ نعیم نے کہا کہ بلدیاتی الیکشن سے پہلے بارش اور سیکیورٹی کا بہانہ بنایا جاتا رہا، الیکشن کمیشن کو انہوں نے استعمال کیا، جن نشستوں پر الیکشن نہیں ہوئے ان پر ضمنی الیکشن ہونے چاہئیں۔
انہوں نے کہا کہ الیکشن کمیشن پیپلزپارٹی کی بات مانتا ہے، الیکشن کمیشن نے عدالت کویقین دلایا الیکشن شیڈول جاری ہوگیا ہے، ڈھائی سال سے لڑ رہے تھے کہ الیکشن کراؤ، دھرنےدیے، عدالت بھی گئے۔
اب جب الیکشن ہوگئے تو انہوں نے جماعت اسلامی کی ری کاؤنٹنگ میں 10 سے15 سیٹیں چھین لی، آر اوز اور ڈی آراوز کی روز الیکشن کمیشن میں ذلت ہوتی ہے، خاندان کے ذریعے یہ پارٹی پر مسلط ہوتے ہیں ویسے ہی یہ ملک پر مسلط ہونا چاہتے ہیں۔
حافظ نعیم کا کہنا تھا کہ سارا انحصار الیکشن کمیشن پر ہے، تاخیر پی پی اور ایم کیو ایم کی وجہ سے ہوئی ہے، جماعت اسلامی، پی پی 84،84 نشستوں پر کامیاب ہیں انکا اعلان ہوچکا ہے۔
