ٹوکیو : پاکستان کے حیدر علی نے ٹوکیوپیرالمپکس میں تاریخ رقم کردی اور معذوری کو شکست دے کر پیرالمپکس میں گولڈ میڈل جیتنے والے پہلے پاکستانی بن گئے۔
تفصیلات کے مطابق پاکستان کے حیدر علی نے ٹوکیو پیرالمپکس میں مردوں کے ڈسکس تھرو مقابلے میں شرکت کی اور پانچویں باری میں 55.26 میڑکی کامیاب تھرو کرکے تاریخ بناتے ہوئے پاکستان کو پہلی بار گولڈ میڈل جتوادیا۔
Today's podium heroes!#Tokyo2020 #Paralympics pic.twitter.com/sKxUbmOyiO
— Paralympic Games (@Paralympics) September 3, 2021
حیدر علی نے ڈسکس تھرو مقابلے میں تاریخ قتح سمیٹی ، اس مقابلے میں ان کا مقابلہ دنیا کے بہترین ایتھلیٹس سے تھا ، جیت کے بعد حیدر علی نے کاندھوں پر پاکستانی پرچم لہرایا اور گولڈ میڈل چوما۔
ٹوکیوپیرالمپکس میں گولڈ میڈل جیتنے والے حیدر علی نے کامیابی پر اللہ کا شکر ادا کرتے ہوئے کہا کہ یہ سب قوم کی دعاؤں کا نتیجہ ہے، پاکستان اسپورٹس بورڈ نے بھرپور سپورٹ کیا ، جس پر انکا مشکور ہوں۔
ٹوکیوپیرالمپکس میں پہلی بار پاکستان کے نام گولڈ میڈل کرانے والے حیدر علی کیلئے سوشل میڈیا پر مبارکباد کا سیلاب امڈ آیا اور ٹوئٹر پر ‘مبارکباد پاکستان’ ٹاپ ٹرینڈ بن گیا۔
قومی کرکٹر سمیت وفاقی وزیر اطلاعات فواد چوہدری ، معاون خصوصی شہباز گل، وزیرمملکت فرخ حبیب اور وزیراعلیٰ پنجاب نے حیدر علی کو خراج تحسین پیش کرتے ہوئے ہیرو قرار دے دیا۔
Bohat Mubarak @HaiderAthlete!
Well done on winning the Gold medal at the #TokyoParalympics This is a huge achievement and you've made 🇵🇰 proud.
Shabaash hero 💪🏽 pic.twitter.com/qZFErtF2jd— Hassan Ali 🇵🇰 (@RealHa55an) September 3, 2021
Paralympian #HaiderAli made the country proud by winning the first-ever gold medal for Pakistan in #Paralympics. He achieved the feat in the Men's Discus Throw competition, recording his personal best throw of a striking 55.26m.#Tokyo2020 pic.twitter.com/kPKW4PZDg9
— Government of Pakistan (@GovtofPakistan) September 3, 2021
حیدر علی کو ڈسکس تھرو میں گولڈ میڈل جیتنے اور ٹوکیو میں سبز ہلالی پرچم سربلند کرنے پر مبارکباد پیش کرتے ہیں
پاکستانی قوم آپکو سلام پیش کرتی ہے۔آپ اصل ہیرو ہیں آپ ہی ہیں پاکستان
اور تیمور بھٹی آپکو بھی شاباش۔جب سب نےاس جوان کو پیرااولمپکس بھیجنے سے انکار کیا تو آپ ساتھ کھڑے ہوئے
— Dr. Shahbaz GiLL (@SHABAZGIL) September 3, 2021
اس سے قبل حیدر نے 2008 کے بیجنگ پیرالمپکس میں چاندی اور 2016 کے ریوپیرالمپکس میں کانسی کا تمغہ سینے پر سجایا تھا۔
خیال رہے حیدر علی کا تعلق گوجرانوالہ سے ہے ،ان کی دائیں ٹانگ پیدائشی طور پر بائیں ٹانگ سے دو انچ پتلی اور ایک انچ چھوٹی ہے تایم انھوں نے اس نقص کو اپنی کامیابی کے اڑے نہ آنے دیا۔
