سرد موسم میں بالوں کا روکھا پن اور جھڑنے سے ہر کوئی پریشان نظر آتا ہے، ساتھ ہی جلد کے خشک ہونے مسائل بھی سامنے آتے ہیں جس کیلئے گھر ہی میں موجود قدرتی اجزاء سے علاج کر لیا جائے تو اس کے بہتر نتائج سامنے آئیں گے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس شیخ نے آسان سا نسخہ بتایا جس کو استعمال کرکے خواتین اپنے بالوں اور جد کی بہتر انداز حفاظت کرسکتی ہیں۔
انہوں نے بتایا کہ ایک چمچ سی بکتھورن آئل (جنگلی بیری کا تیل) اور 50 ملی گرام بادام کا تیل ملا کر اپنے ہاتھوں چہرے اور بالوں پر لگائیں اس سے بال کبھی نہیں گرتے اور جلد بھی تر و تازہ رہتی ہے۔
ڈاکٹر بلقیس شیخ نے کہا کہ اگر بالوں میں خشکی ہوجائے تو اس میں کمیلا پاؤڈر شامل کرلیں اور بہتر نتائج کیلئے گلیسرین بھی شامل کرسکتے ہیں۔ انہوں نے بتایا کہ ایک چمچ جیلیٹن لے کر آدھا کپ پانی میں ملا کر اسے گرم کرلیں تو اسے ٹھنڈا کرکے اس میں دو چمچ گلیسرین ڈال دیں۔
اس نسخے کو پورے بالوں میں اچھی طرح لگائیں اور کچھ دیر بعد سادے پانی میں تھوڑا سا لیموں ڈال کر اس سے دھولیں اس سے بال چمکدار اور نرم ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔