سلطنت عُمان کے فرمانروا ہیثیم بن طارق اس ہفتے ایران کے دو روزہ سرکاری دورے پر جانے کا فیصلہ کیا ہے۔
عمان کی سرکاری خبر رساں ایجنسی کے مطابق یہ دورہ اتوار کو ایران اور سعودی عرب کے درمیان مارچ میں چین کی ثالٹی سے ہونے والے باہمی معاہدے کے بعد شروع ہورہا ہے۔
رپورٹ میں بتایا گیا کہ سطلنت عمان کے فرمانروا ہیثیم بن طارق دو روزہ سرکاری دورے پر ایران جائیں گے، انہیں ایران کے صدر نے دورے کی دعوت دی تھی۔
رپورٹ میں بتایا گیا کہ دورے کے دوران دونوں ملکوں کے درمیان تعاون کو فروغ دینے کے ذرائع پر بھی بات چیت متوقع ہے۔
یہ دورہ ایرانی صدر ابراہیم رئیسی کے دورہ مسقط کے ایک سال بعد ہورہا ہے جس میں دونوں ملکوں نے تجارتی معاہدوں پر دستخط کیے تھے۔
عمان کے ایران کے ساتھ قریبی تعلقات ہیں اور اس نے 2015 میں تہران اور واشگٹن کے درمیان ہونے والے جوہری معاہدے میں ثالثی کا کردار ادا کیا تھا۔
