مکہ المکرمہ : لاکھوں عازمین حج رکن اعظم وقوف عرفہ کی ادائیگی کے بعد مزدلفہ پہنچ گئے، نماز فجر کی ادائیگی کے بعد منیٰ روانہ ہوں گے، قربانی کے بعد پہلے دن شیطانوں کو کنکریاںماری جائیں گی۔
تفصیلات کے مطابق اکھوں عازمین حج رکن اعظم وقوف عرفہ کی ادائیگی کے بعد مزدلفہ پہنچ گئے، نماز مغرب اور عشاء ایک ساتھ ادا کرنے کے بعد عبادات میں مصروف ہیں۔
عازمین حج آج رات مزدلفہ میں کھلے آسمان تلے گزاریں گے، نماز فجر کی ادائیگی کے بعد منیٰ روانہ ہوں گے، قربانی کے بعد پہلے دن شیطانوں کو کنکریاں ماریں گے۔
اس سے قبل خطیب حج نے مسجد نمرہ میں خطبہ دیا، خطبہ حج میں ڈاکٹرشیخ حسین کا کہنا تھا توحید اور رسالت کے بعد نماز اسلام کا سب سے بڑا رکن ہے، نماز قائم کرنا تقویٰ ہے، امت مسلمہ اخلاقیات کو مدنظر رکھتے ہوئے آگے بڑھے، نبی کریم نے بتایا بہترین شخص وہ ہے جس کے اخلاق اچھے ہوں۔
ڈاکٹر شیخ حسین بن عبدالعزیز آل الشیخ کا کہنا تھا، اسلام ہمیں حکم دیتا ہے کسی پرظلم نہ کریں، والدین کی عزت کریں ،بچوں سے شفقت سے پیش آئیں۔ اسلام بے حیائی سے روکتاہے۔
مزید پڑھیں: آج وہ مبارک دن ہے، جب اللہ نےدین اسلام کومکمل کیا: خطبۂ حج
خطیب حج کا کہنا تھا اللہ نے دھوکے سے منع فرمایا اور ناپ تول درست کرنے کا حکم دیا، امانت میں خیانت نہ کرنے کا حکم فرمایا۔ اللہ توبہ کرنے والوں کے گناہ ثواب میں بدل دیتا ہے۔
مزید پڑھیں: مکۃالمکرمہ میں غلاف کعبہ تبدیل
نیکی کا حکم دیں اور برائی سے روکیں اسی لیے ہمیں بہترین امت کہا گیا کہ اللہ کے حکم اور نبی کریم کی ہدایت پر عمل میں ہماری کامیابی ہے، خطبہ حج میں امت مسلمہ کے لیےخصوصی دعا بھی کی گئی۔
