مکہ مکرمہ: حجاج کرام منیٰ پہنچ گئے، اللہ کے مہمان یہاں رات بھر قیام کریں گے، کل تمام حجاج میدان عرفات کیلئے روانہ ہوں گے۔
تفصیلات کے مطابق کل تمام حجاج میدان عرفات کیلئے روانہ ہونگے جبکہ آج عازمین منیٰ پہنچ چکے ہیں، حجاج کرام کا کہنا ہے کہ خیمہ بستی کی رہائش پر ہی کھانا فراہم کیا جارہا ہے، ہم حکومت پاکستان کے شکر گزار ہیں، شاندار انتظامات کیے گئے ہیں۔
سعودی عرب میں حج 2025 کے سلسلے میں حاجیوں کو بہترین سہولیات فراہم کرنے کے لئے اقدامات کیے گئے ہیں، اللہ کے مہمانوں کی خاطرداری کے لیے خصوصی منصوبہ بندی کی گئی ہے۔
حج ایام کے دوران ایک گھنٹے میں 1 لاکھ 7 ہزار حجاج طواف کعبہ کر سکیں گے
عرب خبر رساں ادارے کی رپورٹ کے مطابق حج 2025 کے دوران حاجیوں کی صحت کو مقدم رکھتے ہوئے وزارتِ حج و عمرہ نے متوقع شدید گرمی اور لُو کے پیش نظر خاص انتظامات کیے ہیں۔
اس حوالے سے ‘حج آگاہی مرکز’ کے تعاون سے ایک مہم شروع کی گئی ہے، جس میں حجاج کرام کو سورج کی تپش اور گرمی سے بچاؤ کے حوالے سے معلومات فراہم کرنے کا سلسلہ جاری ہے۔
رپورٹس کے مطابق وزارت نے ایک حفاظتی کتابچہ بھی شائع کیا ہے جس میں تین اہم حفاظتی اقدامات تجویز کیے گئے ہیں۔
حجام کرام کو ہدایت کی گئی ہے غیرضروری طور پر دن کے وقت باہر نہ نکلیں، اگر بہت ضروری ہو تو سر کو ڈھانپ کر رکھیں یا چھتری کے سائے میں رہیں، پانی کا استعمال زیادہ رکھیں اور پسینہ بہنے سے روکیں، سایہ دار مقامات پر زیادہ قیام کریں، دھوپ سے جتنا ہوسکے اپنے آپ کو بچائیں۔
علاوہ ازیں یہ ہدایت بھی کی گئی ہے پُرسکون رہیں اور شدید گرمی میں جلد بازی سے گریز کریں جبکہ سخت جسمانی کام نہ کرنے کی بھی ہدایت کی گئی ہے۔
سعودی عرب نے پاکستانی حجاج کے کھانے کا ٹھیکہ کسے دیا؟ افواہیں مسترد
