کراچی: پیپلز پارٹی نے سندھ میں مسلم لیگ ن کی بڑی وکٹ حاصل کرلی، ن لیگ کے سینئیر رہنما حکیم بلوچ پیپلز پارٹی کے قافلے میں شامل ہوگئے۔
پیپلز پارٹی نے سندھ میں ن لیگ کی بڑی وکٹ گرادی، واحد لیگی ایم این اے حکیم بلوچ پیپلزپارٹی کے قافلے میں شامل ہوگئے، وزیراعلیٰ سندھ سے ملاقات کرکے مسلم لیگ ن کی بنیادی رکنیت سے استعفیٰ دینے والے حکیم بلوچ کو پیپلزپارٹی نے دوبارہ شمولیت پر خوش آمدید کہا ہے کہ وزیراعلیٰ سندھ کہتے ہیں کہ 2018 کے انتخابات میں کراچی سے مزید نشستیں لیں گے۔
وزیراعلیٰ سندھ نے حکیم بلوچ کو ویلکم کہتے ہوئے کہا کہ حکیم بلوچ میرے والد کی کابینہ میں صوبائی وزیر تھے، اب کی بار نہ صرف ملیر لیکن کراچی کی دیگر نشستوں سے بھی پیپلزپارٹی کامیاب ہوگی ۔
رکن قومی اسمبلی عبد الحکیم پیپلزپارٹی میں شامل
وزیراعلیٰ سندھ نے کہا کہ آمروں نے ایک مخصوص جماعت کو منتخب کرانے کیلئے حلقہ بندیاں کیں، اب ہم ہاتھ پر ہاتھ رکھ کر نہیں بیٹھیں گے۔
حکیم بلوچ نے بتایا کہ مسلم لیگ چھوڑ رہے ہیں اور ساتھ ہی جیو بھٹو کا نعرہ لگایا، ان کا کہنا تھا کہ نواز شریف کی پالیسیاں پاکستان کی پالیسیاں نہیں تھیں، میاں نواز شریف وفاق کے نہیں لاہور کے وزیراعظم ہے، حکیم بلوچ کا کہنا تھا کہ وفاق کو صرف بلاول بھٹو ہی بچا سکتے ہیں۔
اس سے قبل رکن قومی اسمبلی عبد الحکیم نے چیئرمین پیپلزپارٹی بلاول بھٹو زرداری سے ملاقات کر کے پی پی پی میں شمولیت کا اعلان کیا تھا اور مسلم لیگ ن کوالوداع کہتے ہوئے اپنی قومی اسمبلی کی نشست سے مستعفیٰ ہونے کا اعلان کیا تھا۔
واضح رہے عبد الحکیم بلوچ 2013 کے انتخابات میں قومی اسمبلی کی نشست این اے 258 سے مسلم لیگ ن کے ٹکٹ سے کامیاب ہوئے تھے۔
#PMLN MNA who has joined #PPP today says only @BBhuttoZardari can take #Pakistan towards road of progress. pic.twitter.com/gh01dPb281
— Zameer Ahmed Malik (@ZameerAMalik) September 27, 2016