راولپنڈی: یوم پاکستان 23 مارچ کی مناسبت سے پاک فوج کے شعبہ تعلقاتِ عامہ (آئی ایس پی آر) نے حب الوطنی سے سرشار نغمے ’امن کا نشان ، ہمارا پاکستان‘ کا ایک اور ٹریلر جاری کردیا جس میں چاروں صوبوں اور گلگت بلتستان کے وزرائے اعلیٰ نے مبارک باد کے پیغامات ریکارڈ کرائے ہیں۔
تفصیلات کے مطابق یوم پاکستان (قرار داد پاکستان) کی نسبت سے رواں سال بھی 23 مارچ کو سرکاری سطح پر شایانِ شان طریقے سے منایا جائے گا، اس ضمن میں ملک بھر میں جذبہ حب الوطنی سے سرشار تقاریب کا انعقاد کیا جائے گا جبکہ پریڈ گراؤنڈ میں چاروں مسلح افواج کے دستے اپنی صلاحیتوں کا مظاہرہ بھی کریں گے۔
جہاں ایک طرف اسلام آباد میں پریڈ کی ریہرسل جاری ہیں وہیں قوم کے جذبے کو مزید بڑھانے کے لیے پاک فوج کے شعبہ تعلقاتِ عامہ کی جانب سے نئے نغمے ’امن کا نشان، ہمارا پاکستان‘ کی مختلف ویڈیوز حصوں میں ریلیز کی جارہی ہیں جنہیں دیکھ کر قوم کا وطن سے عقیدت و محبت کا والہانہ اظہار کرتے ہیں۔
مزید پڑھیں: یومِ پاکستان، پاکستانی خاتون نےملکی پرچم آسمانوں میں لہرا دیا
ڈی جی آئی ایس پی آر نے سماجی رابطے کی ویب سائٹ ٹوئٹر پر یوم پاکستان کے حوالے سے بنائے جانے والے نغمے کی ویڈیو کا دوسرا حصہ جاری کیا جس میں چاروں صوبوں کے وزرائے اعلیٰ، شہباز شریف (پنجاب)، پرویز خٹک (خیبرپختونخواہ)، مراد علی شاہ (سندھ)، عبدالقدوس بزنجو (بلوچستان) کے علاوہ گلگت بلتستان کے وزیر اعلیٰ حافظ حفیظ الرحمان کا پیغام شامل ہے۔
🇵🇰Aman ka Nishan Hamara Pakistan #PakDayParade2018 pic.twitter.com/CtFJudoNbF
— Maj Gen Asif Ghafoor (@OfficialDGISPR) March 21, 2018
چاروں صوبوں اور گلگت بلتستان کے منتخب وزرائے اعلیٰ نے یوم پاکستان پر قوم کو مبارک باد پیش کی اور وطن کی اہمیت و افادیت کے بارے میں آگاہ کرتے ہوئے اس عزم کا اظہار کیاکہ ملک کی ترقی کے لیے ہم سب کو مل کر چلنا ہوگا۔
قبل ازیں آئی ایس پی آر کی جانب سے نغمے کی پہلی ویڈیو جاری کی گئی تھی جس میں ملک کے نامور صحافیوں نے اپنے پیغامات ریکارڈ کرائے تھے، ان نامور صحافیوں میں اے آر وائی کے نامور صحافی ارشد شریف نے بھی وطن سے محبت کا اظہار کیا ہے۔
Thanks for participation. We have a task at hand. Together we do it. IA. #PakDayParade2018#PakistanTheLandOfPeace pic.twitter.com/BpLgJWXhed
— Asif Ghafoor (@peaceforchange) March 18, 2018
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
