غزہ: حماس نے غزہ کے ساحل سے ایک ڈالفن پکڑی ہےجس کو اسرائیل جاسوسی کیلئے استعمال کرتا تھا۔
غزہ سے شائع ہونے والے اخبار القدس کے مطابق حماس کا دعویٰ ہے کہ پکڑی گئی ڈالفن پر جاسوسی آلات اور کیمرہ نصب تھا۔ یہ ڈالفن حماس کے بحری یونٹ نے پکڑی ہے۔
اسرائیلی حکام نے جاسوس ڈالفن پکڑنے جانے کی اطلاعات پر کوئی ردعمل ظاہر نہیں کیا، پانچ سال پہلے مصر نے بحیرۂ احمر میں شارک مچھلیوں کے حملوں کو بھی اسرائیل کی کوشش قرار دیا تھا۔
سعودی عرب میں جی پی ایس ٹرانسمیٹر سے لیس پکڑے گئے گدھ کو بھی اسرائیل کی کارروائی قرار دیا گیا تھا۔
