فلسطینی مزاحمتی تنظیم حماس کے رہنما ابوالولید خالد مشعل نے جمعیت علمائے اسلام (ف) کے سربراہ مولانا فضل الرحمان سے ٹیلفونک رابطہ کیا۔
جے یو آئی (ف) کے ایکس اکاؤنٹ سے جاری کیے گئے بیان کے مطابق ابوالولید خالد مشعل نے فضل الرحمان کو اسرائیل کے ساتھ جنگ کی صورتحال سے آگاہ کیا اور ’یوم طوفان اقصیٰ‘ منانے پر ان کا شکریہ ادا کیا۔
اس موقع پر فضل الرحمان نے کہا کہ فلسطینی مسلمانوں کے دکھ درد کو محسوس کرتے ہیں، اپنے فلسطینی بھائیوں کو کسی صورت تنہا نہیں چھوڑیں گے۔
سربراہ جے یو آئی (ف) نے مطالبہ کیا کہ انسانی حقوق کی تنظیمیں اسرائیل کے وحشیانہ سلوک کا نوٹس لیں۔
حماس رہنما ابوالولید خالد مشعل کا جے یو آئی سرابرہ مولانا فضل الرحمان سے ٹیلفونک رابطہ
حماس رہنما نے مولانا فضل الرحمان کو فلسطین اسرائیل تازہ ترین صورتحال سے آگاہ کیا ۔ترجمان جے یو آئی
حماس رہنماء نے جے یو آئی کی جانب سے آج جمعہ کو یوم طوفان اقصی منانے پر مولانا فضل الرحمان…
— Jamiat Ulama-e-Islam Pakistan (@juipakofficial) October 13, 2023
اے آر وائی نیوز کی ڈیجیٹل ڈیسک کی جانب سے شائع کی گئی خبریں