حماس کے سیاسی شعبے کے سربراہ اسماعیل ہنیہ کئی برسوں بعد سعودی عرب کے دورے پر مکہ پہنچ چکے ہیں۔
سوشل میڈیا پر گردش کرتی ویڈیوز میں انہیں سعودی عرب کے شہر مکہ میں عمرہ ادا کرتے ہوئے دیکھا جا سکتا ہے۔
ترک خبر رساں ادارے انادولو کے مطابق اسماعیل ہنیہ کے وفد میں حماس کے سابق سیاسی سربراہ خالد مشعل بھی شریک ہیں۔
⚡️Historic event, Hamas leadership delegation headed by Ismail Haniyyi in the Kingdom of Saudi Arabia perform Umrah. pic.twitter.com/3uUDr6fVQA
— War Monitor (@WarMonitors) April 18, 2023
اسماعیل ہنیہ پیر کو ایک ایسے موقعے پر سعودی عرب پہنچے ہیں جب فلسطینی صدر محمود عباس بھی سعودی عرب میں موجود ہیں، رپورٹ کے مطابق محمود عباس بھی گذشتہ دنوں سعودی عرب پہنچے تھے۔
فلسطینی صدر اور حماس کے وفد کی سعودی عرب آمد
اس سے قبل حماس کے اعلی ترین عہدیدار خالد مشعل نے 2015 میں سعودی عرب کا دورہ کیا تھا۔
High-ranking Hamas delegation in historic visit to Saudi Arabia to mend ties https://t.co/pHjCgem21A
— Press TV (@PressTV) April 18, 2023
ایرانی خبر رساں ادارے پریس ٹی وی نے بھی حماس کے رہنما کے دورہ سعودی عرب کی خبر دی ہے۔
ابھی تک یہ واضح نہیں ہے کہ کیا سعودی عرب میں اسماعیل ہنیہ اور محمود عباس کے درمیان بھی ملاقات ہو گی یا نہیں۔