لاہور: مسلم لیگ ن کے رہنما راجہ ریاض نے دعویٰ کیا ہے کہ صاحبزادہ حامد رضانےپی ٹی آئی کی ساری نشستیں بیچ دی ہیں۔
تفصیلات کے مطابق مسلم لیگ ن کے رہنما راجہ ریاض نے اپنے بیان میں کہا کہ میرے بیٹےکے مقابلے میں صاحبزادہ حامد رضا نے الیکشن لڑا، 26 فروری کو الیکشن کمیشن کوخط لکھا کہ مجھےخواتین کی نشست نہیں چاہئیں۔
راجہ ریاض نے دعویٰ کیا کہ صاحبزادہ حامد رضانےپی ٹی آئی کی ساری نشستیں بیچ دی ہیں۔
یاد رہے 28 فروری کو سنی اتحاد کونسل کی مخصوص نشستوں کے لئے درخواست پر سماعت میں چیف الیکشن کمشنر سکندر سلطان راجا نے پی ٹی آئی کے وکیل بیرسٹر علی ظفر کو سنی اتحاد کونسل کا خط دیا تھا۔
چیف الیکشن کمشنر کا کہنا تھا کہ سربراہ سنی اتحاد کونسل نے 26 فروری کو الیکشن کمیشن کو خط لکھا تھا جس میں انہوں نے کہا تھا کہ نہ انہوں نے عام انتخابات میں حصہ لیا اور نہ ہی انہیں مخصوص نشستیں چاہئیں۔
چیف الیکشن کمشنر نے بیرسٹر علی ظفر سے استفسار کیا تھا کہ جب سنی اتحاد کونسل کو مخصوص نشستیں نہیں چاہئیں تو آپ کیوں مجبور کر رہے ہیں۔
اس موقع پر بیرسٹر علی ظفر نے سنی اتحاد کونسل کے خط سے لاعلمی کا اظہار کرتے ہوئے کہا تھا کہ کونسل نے پاکستان تحریک انساف کو ایسے کسی خط کے حوالے سے نہیں بتایا۔
