کراچی: نیو کراچی پولیس نے ایک بڑی کارروائی کرتے ہوئے ایم کیو ایم کے انتہائی مطلوب دہشت گرد زاہد اقبال کو گرفتار کرلیا، زاہد اقبال یو اے ای سے گرفتار ہونے والے ایم کیو ایم کے رکن حماد صدیقی کا دست راست ہے۔
تفصیلات کے مطابق ایم کیو ایم کے مبینہ دہشت گرد زاہد اقبال سے ابتدائی تفتیش میں معلوم ہوا ہے کہ ملزم نے اپنے ساتھیوں کے ساتھ مل کر پانچ سال قبل ایم کیو ایم کے سابق رکن سندھ اسمبلی منظر امام کو قتل کیا تھا۔
پولیس کے مطابق سانحہ بلدیہ کیس میں گرفتار حماد صدیقی کا دست راست زاہد اقبال قتل کی پچیس سے زیادہ وارداتوں میں ملوث ہے اور ان کے خلاف چودہ مقدمات سامنے آگئے ہیں۔
حماد صدیقی کو اب تک سندھ پولیس کے حوالے نہیں کیا گیا: وزیر داخلہ سندھ
ایس ایس پی ضلع وسطی نے پریس کانفرنس میں بتایا کہ 1992 سے مختلف جرائم اور ٹارگٹ کلنگ میں ملوث ملزم زاہد اقبال پہلی بار سنگین مقدمات میں پولیس کے ہاتھ آیا ہے۔
ایم کیوایم کے رکن صوبائی اسمبلی منظرامام کا قاتل گرفتار
ڈاکٹر رضوان نے کہا کہ رکن صوبائی اسمبلی منظر امام قتل کیس میں اس سے قبل پولیس کالعدم لشکرجھنگوی اور ایم کیو ایم سے تعلق رکھنے والے ملزمان بھی گرفتار کر چکی ہے لیکن ابتدائی تفتیش میں پتا چلا کہ ملزم زاہد اقبال نے ہی اپنے ساتھیوں کے ہمراہ منظر امام کو بھی قتل کیا تھا۔
واضح رہے کہ ماضی میں تیسر ٹاؤن میں کارروائی کے دوران رینجرز کے ہاتھوں گرفتار محمد عاشق اور پیر آباد پولیس کے ہاتھوں گرفتار ٹارگٹ کلر اشفاق عرف چیف بھی منظر امام کے قتل کا اعتراف کرچکے ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
