کراچی: پنجاب کے شہر میانوالی سے تعلق رکھنے والے حمزہ علی عباسی کے ہم شکل نے سوشل میڈیا پر دھوم مچادی۔
تفصیلات کے مطابق میانوالی سے تعلق رکھنے والے حمزہ علی عباسی سے حیرت انگیز مشابہت رکھنے والے یاسر عمار نے لوگوں کو حیران کردیا۔
یاسر عمار کی ناصرف شکل حمزہ علی عباسی سے ملتی ہے بلکہ ان کی آواز اور ان کے بات کرنے کا انداز بھی بالکل اداکار حمزہ علی عباسی جیسا ہی ہے۔
یاسر عمار نے سوشل پر اپنی تصاویر شیئر کی ہیں جن میں وہ بالکل حمزہ علی عباسی کی کاپنی نظر آرہے ہیں۔
حمزہ سے مشابہت رکھنے والے یاسر عمار 9 مارچ کو میانوالی میں پیدا ہوئے اور حمزہ علی عباسی کی ہی طرح اداکاری کے پیشے سے وابستہ ہیں، وہ نجی ٹی وی چینل میں اداکاری کے جوہر دکھا چکے ہیں۔
واضح رہے کہ اس سے قبل ہالی ووڈ کی کامیاب فلم گیمز آف تھرونز کے اسٹار اداکار ٹیرون لینسٹر کے ہم شکل پاکستانی ویٹر روزی خان کی تصاویر سوشل میڈیا پر وائرل ہوگئی تھیں۔
یاد رہے کہ کراچی کے علاقے صدر میں بالی ووڈ کے دبنگ اداکار سلمان خان سے ہوبہو مشابہت رکھنے والے شخص کی ویڈیو بھی وائرل ہوئی تھی۔
