لاہور : لاہور ہائی کورٹ میں گورنر پنجاب کی جانب سے نومنتخب وزیر اعلی پنجاب حمزہ شہباز سے حلف نہ لینے کے خلاف درخواست دائر کر دی گٸی۔
تفصیلات کے مطابق وزیر اعلی ٰپنجاب کےعہدہ کا حلف نہ لینے پر حمزہ شہباز نے لاہور ہائی کورٹ میں درخواست دائرکردی ، دائر درخواست میں گورنر پنجاب اور چیف سیکرٹری فریق بنایا گیا ہے۔
درخواست میں موقف اختیار کیا گیا ہے کہ گورنر رولز آف پروسیجر کے تحت منتخب وزیر اعلیٰ سے حلف لیتے ہیں ، گورنر پنجاب نو منتخب وزیر اعلیٰ پنجاب سے حلف نہیں لے رہے ، گورنرکا عمل آئین اور قانون کی خلاف وزری ہے۔
حمزہ شہباز کی جانب سے کہا گیا کہ آئینی کنونشنزکی خلاف ورزی آئین کی خلاف ورزی کےمترادف ہے، گورنرپنجاب پاکستان تحریک انصاف کےسابق عہدیداراورکارکن ہیں ، وہ آئینی بحران پیدا کرنا چاہتے ہیں۔
دائر درخواست میں کہا ہے کہ گورنرآئینی احکامات سےروگردانی اور تضحیک کےمرتکب ہورہےہیں، ان کے عمل سے صوبے کی عوام کو مزید معاشی اور سیاسی بحران سے دوچار کر دیا گیا ہے، گورنر وفاق اوراتحاد کی علامت ہے، بنیادی مقصد آئین کی حفاظت ہے۔
درخواست گزار کا کہنا تھا لپ پنجاب اسمبلی منعقدہ سیشن میں حمزہ شہباز کووزیر اعلی کے طور پر منتخب کیا گیا ، درخواست گزارکے پاس معزز عدالت سے رجوع کرنے کےعلاوہ راستہ نہیں۔
حمزہ شہباز نے استدعا کی کہ گورنر پنجاب کو نئے وزیر اعلی پنجاب سے حلف لینے کے احکامات جاری کیے جاٸیں۔
