اسلام آباد : وزیراعظم شہباز شریف کے صاحبزادے حمزہ شہباز کو وفاق میں اہم عہدہ دینے کی تیاری کرلی گئی۔
تفصیلات کے مطابق حمزہ شہبازشریف کو وفاق میں اہم ذمہ داری دینے کی تیاریاں جاری ہے، حمزہ شہباز کو چیئرمین پبلک افیئرزیونٹ برائے وزیراعظم تعینات کئے جانے کا امکان ہے۔
ذرائع نے بتایا کہ ان کو وفاق میں وفاقی وزیر کا درجہ دیا جائے گا اور انھیں بطورچیئرمین تمام اہم امور سے متعلق اختیارات حاصل ہوں گے۔
ذرائع کا کہنا تھا کہ چیئرمین پبلک افیئرز یونٹ کا دفتر وزیراعظم آفس فرسٹ فلور پر قائم ہوگا، یئرمین پبلک افیئرز یونٹ کے چاروں صوبے میں دفاتر ہوں گے۔
ذرائع کا کہنا تھا کہ چیئرمین پبلک افیئرز یونٹ کی تعیناتی کے بعد مختلف صوبوں کے دورے کریں گے ، لاہورمیں اسٹیٹ گیسٹ ہاؤس کو چیئرمین پبلک افیئرزیونٹ کا صوبائی دفتر ڈکلیئرکیا جائے گا۔
