پاکستان شوبز انڈسٹری کی معروف اداکارہ سجل علی کی پوسٹ پر بھارت کی رقاصہ و اداکارہ راکھی ساونت کا کمنٹ وائرل ہوگیا۔
اداکارہ ہانیہ عامر کو حال ہی میں برطانوی پارلیمنٹ کی جانب سے ایوارڈ سے نوازا گیا، تقریب کے اختتام کے بعد انہوں نے میڈیا سے گفتگو کرتے ہوئے مختلف سوالات کے جواب دیے۔
View this post on Instagram
اسی ایونٹ کی ایک ویڈیو سوشل میڈیا پر وائرل ہورہی ہے جس میں اداکارہ ہانیہ عامر نے راکھی ساونت کی معصومانہ اور تفریحی باتوں کی تعریف جس کے بعد راکھی نے کمنٹ میں اپنی خواہش کا اظہار کردیا۔
ویڈیو پر ردعمل دیتے ہوئے راکھی ساونت نے کمنٹ میں لکھا کہ مجھے ہانیہ بہت پسند ہے، میں چاہتی ہوں کہ وہ میرے بھائی سلمان خان سے شادی کر لے۔
بھارتی رقاصی نے مزید کہا کہ ہانیہ نہایت خوبصورت اور باصلاحیت اداکارہ ہیں جو گڑیا اور پاکستانی بیوٹی ہیں اور پوری دنیا میں مقبول ہیں۔
راکھی ساونت کے اس تبصرے پر سوشل میڈیا پر ملا جلا ردعمل آیا، کچھ صارفین نے اسے مزاحیہ قرار دیا، جبکہ کچھ نے سلمان خان اور ہانیہ عامر کے درمیان عمر کے فرق پر سوال اٹھایا۔
واضح رہے کہ یہ پہلی بار نہیں ہے کہ راکھی ساونت نے سلمان خان سے متعلق کوئی تجویز دی ہو، اس سے قبل راکھی ساونت نے ایک ویڈیو پیغام میں کہا تھا کہ انہوں نے سلمان خان کے لیے پاکستانی اداکارہ ہانیہ عامر کو دلہن کے طور پر پسند کیا ہے۔
