بھارت کرکٹ ٹیم کے آل راؤنڈر ہاردک پانڈیا کو روہت شرما کی جگہ بھارت کی وائٹ بال یعنی ایک ون ڈے اور ٹی ٹوئنٹی کرکٹ ٹیموں کا کپتان بنائے جانے کا امکان ہے۔
بھارتی میڈیا کے مطابق بی بی آئی سی نے ہاردک پانڈیا سے بھارتی ٹیم کا کپتان بنائے جانے کے حوالے سے بات چیت بھی کرلی گئی ہے، جبکہ پانڈیا نے بورڈ سے جواب دینے کے لیے کچھ وقت مانگا ہے۔
2021 میں ہونے والے ٹی ٹوئنٹی ورلڈکپ کے بعد ویرات کوہلی کی جگہ روہت شرما کو بھارتی ٹیم کا کپتان بنایا گیا تھا تاہم آسٹریلیا میں ہونے والے حالیہ ٹی ٹوئنٹی ورلڈکپ کے سیمی فائنل میں انگلینڈ کے ہاتھوں یکطرفہ شکست کے بعد روہت شرما کو شدید تنقید کا نشانہ بنایا گیا اور انہیں کپتانی سے ہٹانے کا مطالبہ بھی کیا گیا۔
ہاردک پانڈیا کو 2022 میں آئی پی ایل کے بعد آئر لینڈ کے خلاف دو ٹی ٹوئنٹی میچوں کی سیریز کے لیے پہلی بار بھارتی ٹیم کا کپتان مقرر کیا گیا تھا جس میں بھارتی ٹیم نے دو صفر نے کامیابی حاصل کی تھی۔
اس کے علاوہ ہاردک پانڈیا نے ویسٹ انڈیز کے خلاف 5 ٹی ٹوئنٹی میچوں کی سیریز کے آخری میچ میں بھی کپتانی کے فرائض انجام دیے تھے۔
حال ہی میں نیوزی کے خلاف 3 ٹی ٹوئنٹی میچوں کی سیزیز میں بھی بھارتی ٹیم نے ہاردک پانڈیا کی قیادت میں ایک صفر سے کامیابی سمیٹی تھی۔
