کراچی : پاکستان شوبز انڈسٹری کی معروف اداکارہ حریم فاروق اور زارا شیخ نے اے آر وائی نیوز کے پروگرام میں محبت کے حوالے سے اپنی خیالات اور رائے کا اظہار کیا۔
ٹیلی وژن ڈراموں میں اپنی صلاحیتوں کے جوہر دکھانے والی حریم فاروق اور زارا شیخ نے اپنی زندگی کے اہم رازوں سے پردہ اٹھا دیا، انہوں نے بتادیا کہ انہیں زندگی میں کسی سے محبت ہوئی یا نہیں۔
اے آر وائی ڈیجیٹل کے پروگرام ’شان سحور‘میں شوبزاداکارہ حریم فاروق اور زارا شیخ نے شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے۔
میزبان نے باتوں باتوں میں اچانک پوچھا کہ کیا کبھی کسی محبت ہوئی ہے؟ جس کے جواب میں زارا شیخ نے کہا کہ میں اپنے کام اور اپنے مقصد میں اتنی مصروف ہوں کہ ان باتوں کیلئے وقت ہی نہیں ملتا لیکن اگر کوئی ایسی بات ہوئی تو وہ ضرور سامنے آجائے گی، کیونکہ شوبز سے وابستہ افراد کی کوئی بات چھپی نہیں رہتی۔
اسی سوال کے جواب میں اداکارہ حریم فاروق نے کہا کہ آپ چاہے کتنے ہی مضبوط ارادے کے مالک ہی کیوں نہ ہوں بعض اوقات نہ چاہتے ہوئے بھی محبت ہوہی جاتی ہے اس پر کسی کا اختیار نہیں ہوتا۔
