The news is by your side.

انجرڈ شاہین کی جم میں ایکسرسائز کرنے کی ویڈیو وائرل

قومی ٹیم کے نوجوان فاسٹ بولر شاہین شاہ آفریدی انجری کا شکار ہوکر ایشیا کپ سے باہر ہوگئے لیکن ان کے حوصلے بلند ہیں اور انہوں نے جم میں ایکسرسائز بھی کی جس کی ویڈیو وائرل ہورہی ہے۔

تفصیلات کے مطابق قومی ٹیم کے فاسٹ بولر حارث رؤف نے سماجی رابطے کی ویب سائٹ ٹویٹر پر انجری کے باعث ایشیا کپ سے باہر ہونے والے ساتھی فاسٹ بولر شاہین شاہ آفریدی کی جم میں ایکسر سائز کرنے کی ویڈیو شیئر کر دی۔

قومی ٹیم کے فاسٹ بولر شاہین شاہ آفریدی انجری کے باعث ٹورنامنٹ سے باہر ہیں جبکہ گزشتہ روز نوجوان فاسٹ بولر محمد وسیم جونیئر کو بھی کمر درد کی شکایت ہوئی تھی۔

حارث رؤف کی شیئر کی گئی ویڈیو میں شاہین شاہ آفریدی کو ٹانگ پر نی بریس باندھے جم میں ایکسر سائز کرتے دیکھا جا سکتا ہے۔

ویڈیو کے ساتھ حارث رؤف نے ایک کیپشن بھی درج کیا جس میں لکھا کہ شاہین شاہ آفریدی فیلڈ میں آپ کی کمی کو محسوس کریں گے ہماری دعا ہے آپ تکلیف دہ انجری سے جلد صحتیاب ہو جائیں۔

فاسٹ بولر نے مزید لکھا کہ آپ کے خطرناک اسپیل اور ایکشن دیکھنے کے لیے مزید انتظار نہیں کر سکتے۔

واضح رہے کہ ایشیا کپ کا آغاز کل سے ہوگا جہاں سری لنکا اور افغانستان کی ٹیمیں پہلے میچ میں مدمقابل آئیں گی۔

قومی ٹیم اپنا پہلا میچ اتوار 28 اگست کو روایتی حریف بھارت کے خلاف کھیلے گی۔

Comments

یہ بھی پڑھیں