ہری پور: چہکائی کے قریب مسافر وین کھائی میں گرنے کے سبب 4 افراد لقمہ اجل بن گئے جبکہ 8 شدید زخمی ہوگئے۔
اے آر وائی نیوز کے مطابق ریسکیو ذرائع کا کہنا ہے کہ وین میں ایک ہی خاندان کے 17 افراد سوار تھے، بارش کے باعث امدادی کارروائیوں میں مشکلات کا سامنا کرنا پڑا۔
ریسکیو حکام کے مطابق مسافروین صوابی میرا سے اسلام آباد جارہی تھی، زخمیوں میں بچے اور خواتین بھی شامل ہیں جبکہ 4 زخمیوں کی حالت تشویشناک ہے جنہیں ٹراما سینٹر منتقل کیا جا رہا ہے۔
اس سے قبل بھگر میں جھنگ روڈ پر منکیرہ کے نزدیک گاڑی اور ڈالے میں خوفناک تصادم کے نتیجے میں 4 افراد جاں بحق اور 8 زخمی ہوگئے۔
تفصیلات کے مطابق بھکر میں جھنگ روڈ منکیرہ کے قریب وین اور ڈالے میں تصادم ہوا، حادثے میں خاتون سمیت 4 افراد جاں بحق جبکہ 8 افراد زخمی ہوگئے۔
ریسکیو ذرائع کا کہنا ہے کہ زخمیوں میں خواتین اور بچے بھی شامل ہیں، 4 زخمیوں کی حالت نازک بتائی جارہی ہے جبکہ لاشوں اور زخمیوں کو ریسکیو ٹیموں نے گاڑی کاٹ کر نکالا۔
اسلام آباد میں دہشت گردی کا منصوبہ ناکام
ریسکیو ذرائع کے مطابق زخمیوں کو ٹی ایچ کیو اسپتال منکیرہ منتقل کردیا گیا، حادثہ وین کا ٹائر پھٹنے کے باعث پیش آیا۔
