روایتی حریفوں پاکستان اور بھارت کے درمیان ایشیا کپ سپر فور مرحلے کا اہم میچ کولمبو میں کھیلا جارہا ہے، دوران میچ بابر اور حارث رؤف کے درمیان مضحکہ خیز تکرار کی ویڈو وائرل ہورہی ہے۔
میچ کے 24ویں اوور کے دوران یہ واقعہ رونما ہوا، اوور کی پانچوں بال کے ایل راہول کے پیڈ پر لگی اور حارث نے ایل بی ڈبلیو آؤٹ کے کے زوردار اپیل کی مگر امپائر نے انگلی نہیں اٹھائی۔
اس دوران پیسر کپتان کی طرف مڑے اور کہنے لگے کہ یہ آؤٹ ہے اور انگلی کا اوپر اٹھا کر اشارہ بھی کیا۔
بابر اعظم ان کی بات سے متفق نہیں تھے انھوں نے پیسر کو تھوڑا تیز انداز میں سمجھاتے ہوئے کہا کہ بال وکٹوں سے اوپر جارہی ہے اور یہ آؤٹ نہیں ہے۔ بعدازاں وکٹ کیپر محمد رضوان اور حارث رؤف کے درمیان اس معاملے پر قہقہوں کا تبادلہ بھی ہوا۔
— Alter EGO | Sanju (@me_sanjureddy) September 10, 2023
روہت شرما اور شبمن گل نے بھارت کو اس میچ میں عمدہ آغاز فراہم کیا اور دونوں کے درمیان 121 رنز کی سنچری شراکت قائم ہوئی۔ بارش کے باعث میچ روکے جانے تک بھارت نے 2 وکٹوں کے نقصان پر 147 رنز بنائے تھے۔
