قومی ٹیم کے فاسٹ بولر حارث رؤف کا کہنا ہے کہ سب سے پہلے وکٹ کو ریڈ کیا اور سلو بال کرنے کی کوشش کی۔
قومی ٹیم کے فاسٹ بولر حارث رؤف نے میڈیا سے گفتگو کرتے ہوئے کہا کہ نیوزی لینڈ کے خلاف دوسرے ٹی 20 میں وکٹ حاصل کرنے سے زیادہ کوشش کی کہ ڈاٹ بالز کروں اور جب تیسرا اوور کرنے آیا تو وکٹ لینے میں کامیاب ہوا۔
انہوں نے کہا ہےکہ میں نے اپنی انٹرنیشنل کرکٹ بابر اعظم کی کپتانی میں کھیلی، بابر اعظم اچھے کھلاڑی کے ساتھ بہترین کپتان ہیں اور فیلڈ میں بھی بابر اعظم ہمیشہ سپورٹ کرتے ہیں۔
Supreme pace bowling from the speedster ✨#PAKvNZ | #CricketMubarak pic.twitter.com/BgHB8h5HGC
— Pakistan Cricket (@TheRealPCB) April 15, 2023
حارث رؤف کا کہنا تھا کہ میچ جیتنے پر سب سے پہلے اللہ تعالیٰ کا شکر ادا کرتا ہوں، بطور ٹیم بیک ٹو بیک میچ جیتنا کافی اچھی بات ہے۔
انہوں نے مزید کہا کہ میں نے اپنی انٹرنیشنل کرکٹ بابراعظم کی کپتانی میں کھیلی، بابر اعظم اچھے کھلاڑی کے ساتھ بہترین کپتان ہیں، فیلڈ میں بھی بابراعظم ہمیشہ سپورٹ کرتے ہیں، کوشش یہی ہےکہ جیت کے تسلسل کو برقرار رکھیں۔
فاسٹ بولر کا کہنا ہے کہ مجھ سمیت بابراعظم کی بیٹنگ کو سب انجوائے کرتے ہیں، جس طرح بیک ٹو بیک وکٹیں گری تو بابراعظم نے مومینٹم برقرار رکھا۔
