معروف کمنٹیٹر ہرشا بھوگلے نے حریف ٹیموں کو پاکستان کے فاسٹ بولرز کو احتیاط سے کھیلنے کا مشورہ دے دیا۔
سماجی رابطے کی ویب سائٹ ایکس (ٹوئٹر) پر کمنٹیٹر ہرشا بھوگلے کا یہ بیان افغانستان کے خلاف پاکستانی فاسٹ بولر کی غیرمعمولی کارکردگی کے جواب میں آیا ہے۔
پہلے ون ڈے میچ میں حارث رؤف، شاہین آفریدی اور نسیم شاہ کی شاندار بولنگ کی بدولت افغانستان کی ٹیم 202 رنز کے تعاقب میں 59 رنز پر ڈھیر ہوگئی تھی۔
حارث رؤف کو پانچ وکٹیں حاصل کرنے پر میچ کا بہترین کھلاڑی قرار دیا گیا تھا۔
A spectacle of pace, intensity and pure fire! 🚀🔥
Witness the explosive magic of @HarisRauf14's five-wicket haul ✨#AFGvPAK | #BackTheBoysInGreen pic.twitter.com/cEG8HoPl63
— Pakistan Cricket (@TheRealPCB) August 22, 2023
ہرشا بھوگلے نے لکھا کہ ’حریف ٹیمیں پاکستان کے تیز ترین فاسٹ بولرز شاہین آفریدی، حارث رؤف اور نسیم شاہ کا سامنا کرتے وقت احتیاط برتیں۔‘
انہوں نے کہا کہ پاکستان کا فاسٹ بولنگ کا شعبہ تبدیلیوں کے باوجود مضبوط ہے۔
Pakistan are sending out a strong message with their fast bowling. As good a trio as any in world cricket. And this, in spite of the usual comings and goings in the administration
— Harsha Bhogle (@bhogleharsha) August 22, 2023
واضح رہے کہ پاکستان اور افغانستان کے درمیان دوسرا ون ڈے میچ کل کھیلا جائے گا، پاکستان کو تین میچز سیریز میں 1-0 کی برتری حاصل ہے۔
