The news is by your side.

Advertisement

بھارت: دوست سے ملنے گئی خاتون کے ساتھ 25 افراد کی زیادتی

نئی دہلی: بھارت میں ایک اور خاتون اغوا اور اجتماعی زیادتی کا نشانہ بن گئیں، ہولناک واقعے میں 25 افراد نے خاتون کو زیادتی کا نشانہ بنایا۔

بھارتی میڈیا کے مطابق واقعہ گزشتہ ماہ پیش آیا تھا تاہم خاتون اور ان کے اہلخانہ نے اب پولیس سے رابطہ کیا ہے۔

خاتون کے مطابق ان کی ساگر نامی ایک شخص سے فیس بک پر دوستی تھی، جس نے ایک دن انہیں ملنے کے لیے بلایا، خاتون وہاں پہنچیں تو ساگر کے دوست بھی وہاں موجود تھے۔

خاتون کا کہنا ہے کہ ساگر اور اس کے دوست انہیں زبردستی قریبی جنگل میں لے گئے جہاں انہیں اجتماعی زیادتی کا نشانہ بنایا گیا، بعد ازاں انہیں بے ہوشی کی حالت میں ایک گودام کے قریب پھینک دیا گیا۔

پولیس کے مطابق خاتون کا تعلق ریاست اتر کھنڈ سے ہے اور وہ نوکری کے لیے نئی دہلی میں مقیم تھیں۔

پولیس نے مرکزی ملزم ساگر کو گرفتار کرلیا ہے جبکہ دیگر ملزمان کی تلاش بھی جاری ہے، خاتون کو میڈیکل ایگزیمنیشن کے لیے اسپتال منتقل کردیا گیا ہے۔

Comments

یہ بھی پڑھیں