نگراں وزیرصحت ڈاکٹر ندیم جان نے کہا ہے کہ پاکستان میں ابھی تک کورونا کے نئے ویرینٹ جے این 1 کا کوئی کیس رپورٹ نہیں ہوا۔
اپنے بیان میں وزیر صحت نے کہا کہ کچھ ممالک میں کورونا کا ایک نیا ویرینٹ رپورٹ ہوا ہے، جےاین1 اومیکرون سے متعلق خبروں پر تشویش ہے وزارت صحت مسلسل صورتحال کی مانیٹرنگ کررہی ہے۔
انہوں نے کہا کہ اومیکرون ذیلی وائرس ہےجو کچھ ممالک میں پایا گیا ہے لیکن پاکستان میں ابھی تک کورونا کے نئے ویرینٹ جے این 1 کا کوئی کیس رپورٹ نہیں ہوا، ویرینٹ کےپاکستان میں پھیلنےکاخطرہ کم ہےلیکن احتیاط ضروری ہے۔
ان کا کہنا تھا کہ انٹرنیشنل ہیلتھ ریگولیشنز کی سفارشات پر عمل کو یقینی بنا رہے ہیں ایئرپورٹس داخلی اورخارجی راستوں پراسکریننگ نظام موجود ہے وزارت صحت نے اداروں کوٹیسٹنگ بڑھانےکا مشورہ دیا ہے۔
ڈاکٹر ندیم نے عوام کو مشورہ دیا کہ سردیوں میں کورونا یا فلو جیسی بیماریوں کے پھیلاؤ سے بچنے کیلئے ماسک کااستعمال کریں۔
