پاکستان کے سینئر اداکار حسن احمد نے ایک ویڈیو بیان میں اداکارہ ایمن خان اور ان کے شوہر منیب بٹ سے معافی مانگ لی ہے۔
فوٹو اینڈ ویڈیو شیئرنگ ایپلی کیشن انسٹا گرام پر حسن احمد نے ویڈیو میں کہا کہ گزشتہ دنوں ایک ویڈیو سوشل میڈیا پر وائرل ہوئی تھی جس میں، میں نے ایمن خان اور منیب بٹ سے متعلق گفتگو کی تھی۔
حسن احمد نے کہا کہ جو بھی ویڈیو میں کہا وہ مجھے نہیں کہنا چاہیے تھا، میں ایمن اور منیب سے معافی مانگتا ہوں اور اپنے الفاظ واپس لیتا ہوں۔
سینئر اداکار نے ویڈیو میں گلوکار اذان سمیع خان سے بھی معافی مانگی اور کہا کہ مجھے ایسا نہیں کہنا چاہیے تھا، میں نے جو کہا وہ منفی سوچ کے مترادف تھا۔
View this post on Instagram
واضح رہے کہ کچھ روز سے سوشل میڈیا پر ایک ویڈیو خوب وائرل ہو رہی تھی جس میں اداکار حسن احمد کو کہتے سنا گیا کہ ایمن منیب کے فالوورز جعلی ہیں۔ ویڈیو میں گلوکار اذان سمیع خان کے حوالے سے ان کا کہنا تھا کہ گلوکار کو اداکاری نہیں آتی۔
View this post on Instagram
